اعتدال اسامة تكتب بالدارجي : (كبير البيت :هو روحو ونفسو)

كتبت: اعتدال اسامه
كبير البيت :هو روحو ونفسو
الكبير في البيت رحمه وهو سندها وعزوتها الإنسان في حياتو بمر بمراحل وفي مرحله الشباب عمل كل ما بوسعو لراحة اجيالو دي نقطه ما مفروض الناس تنكرها وحتي لو جاتو لحظه طيش او شيطان لعب بعقله من الضرورة الاسره تحتويه هو بقي كبير الان تعرض لأمراض تعرض لزهايمر وحاله نسيان كامل دة ما مبرر عشان يكونو زهجانين منو الكبير سند وجودو رحمه ذي الطفل الصغير وما ح يحزنو عليه إلا بعد يموت حيث لاينفع الندم من اهمالو وعدم السؤال عنه بتمني نحن السودانيين نتحلي بعاداتنا السمحه ولا نبحث عن بدائل لعزوتنا نحن نشيلهم ذي ما شالونا ونحن صغار ولازم الاجيال الجايه تتربي علي العطف والحنو للكبير كما جاء في حديث رسول الله صلي الله عليه وسلم:( ليس منا من لم يرحم صغيرنا ويوقر كبيرنا) الله يحفظ من تبقي منهم كبارنا وتاج راسنا . فتكم بعافيه ولنا عودة ان شاءالله